बसले ठक्कर दिँदा बालकको मृत्यु
प्रहरीद्वारा अश्रुग्याँस प्रहार

child death in bus accident

विदुर – नुवाकोटको विदुर नगरपालिका बट्टारमा बुधबार बसको ठक्करबाट एक बालकको मृत्यु भएको छ ।

मृत्यु हुनेमा तारकेश्वर गाउँपालिका–५ गोर्स्याङ भन्ज्याङथोकका प्रताप तामाङका सात वर्षीय छोरा युनिक तामाङ रहेको जिल्ला प्रहरी कार्यालय नुवाकोटका प्रहरी नायव उपरीक्षक राजेश थापाले जानकारी दिनुभयो ।

आज दिउँसो केरुङ यातायातको बा ४ ख ७५०४ नम्बरको बसले किच्दा घटनास्थलमै ज्यान गएपछि आक्रोशित आफन्त र स्थानीयले चालकलाई सख्त घाइते हुने गरी कुटपिट गरेका छन् । घाइते चालकको स्थानीय स्वास्थ्य संस्थामा उपचार भइरहेको छ ।

आक्रोशित भिडले बसमा ढुंगामुडा गरी क्षति पुर्याएको छ । बस जलाउने प्रयास गरेपछि भीडलाई नियन्त्रण गर्न प्रहरीले ५ सेल अश्रु ग्याँस प्रहार गरेको छ । प्रहरीले भिड नियन्त्रणको नाममा बसको सुरक्षालाई विशेष ध्यान दिएको र भिड नियन्त्रणको नाममा पिडितहरुलाई नै धरपकट गरेको मृतकका बुबा बाबु तामाङले बताउनुभयो ।

मृतकका आफन्तले दोषीलाई कडा करवाही र पीडित परिवारलाई उचित क्षतिपूर्ति दिन माग गरेर बट्टार बजार बन्द गरेका छन् ।

बस नुवाकोट त्रिशुलीबाट काठमाडौं जाँदै गरेको प्रहरीले जनाएको छ ।


तपाईको समाचार, लेख /रचना वा सुझाव भएमा [email protected] मा पठाउनुहोला ।

यस डबली खबर (www.dabalikhabar.com) मा सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । हाम्राे कुनै पनि समाचार अनुमति विना साभार गरेको पाइएमा हामी प्रेस काउन्सिल ऐन अन्तर्गत कारबाहीको प्रक्रियामा जाने छौ ।


प्रतिक्रिया दिनुहोस्

कालीमाटी फलफूल तथा तरकारी बजार थोक मूल्य विवरण

कृषि उपजईकाइन्यूनतमअधिकतम‌‌औसत
Copyright © 2020 Dabali Khabar | डबली खबर   Powered by  त्रिशुली वेब - TWS