नुवाकोट

वडामै पुगेर प्रभु बैकले वितरण गरियो भत्ता

नुवाकोट / विदुर नगरपालिकाले प्रभु बैंकको सहकार्यमा जेष्ठ नागरिक सामाजिक सुरक्षा भत्ता वडामै पुगेर वितरण गर्न सुरु गरेको छ ।

विनपा-१२ स्थित चैनपुरका वृद्धवृद्धालाई मासिक २ हजार गरी चार महिनाको एकमुष्ट रकम ८ हजार रुपैंया भत्ता वितरण गर्नुहुँदै नगरप्रमुख सन्जु पण्डितले अब जेष्ठ नागरिक स्वमंले आफ्नै हातमा वडामै पाउने भएकोले अब सदरमुकाम धाईरहनु नपर्ने बताउनुभयो ।

प्रभु बैंकमार्फत् सुरक्षित तरिकाबाट जेष्ठ नागरिककै हातमै रकम पुर्याउने सुविधाले वृद्धवृद्धाको मुहारमा खुसी छर्न सफल भएको नगर उपप्रमुख गीता दाहालले बताउनुभयो ।

नगरपालिकाको सहकार्यमा नगरका वडा ३, ६, ७, ११, १२ र १३ नम्बरमा बैंकले भत्ता वितरण गरिने सम्झौता भएको प्रभु बैंकका बट्टार शाखा प्रबन्धक दिपक सिम्खडाले बताउनुभयो । त्यस्तै, वडासँगको सहकार्यमा सबै प्रक्रिया पुर्याएर वडामा रहेका ६ सय ५३ जेष्ठ नागरिकलाई दशैं अगावै भत्ता वितरण गरिने शाखा प्रबन्धक सिम्खडाले जानकारी दिनुभयो ।


तपाईको समाचार, लेख /रचना वा सुझाव भएमा [email protected] मा पठाउनुहोला ।

यस डबली खबर (www.dabalikhabar.com) मा सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । हाम्राे कुनै पनि समाचार अनुमति विना साभार गरेको पाइएमा हामी प्रेस काउन्सिल ऐन अन्तर्गत कारबाहीको प्रक्रियामा जाने छौ ।


प्रतिक्रिया दिनुहोस्

Copyright © 2020 Dabali Khabar | डबली खबर   Powered by  त्रिशुली वेब - TWS